Əqli mülkiyyət sahəsində olimpiada keçirilir
Tunis Respublikasının Sənaye, Enerji və Mədən Sənayesi Nazirliyinin Milli Standartlaşdırma və Sənaye Mülkiyyəti İnstitutu “Əqli mülkiyyət haqqında düşün” adlı olimpiada təşkil edir.
Bilik yarışmasının məqsədi əqli mülkiyyətin müxtəlif aspektlərinin (əmttə nişanları və ya brendlər, sənaye nümunələri, patentlər, müəlliflik hüququ və əlaqəli hüquqlar və s.) təşviqi və məlumatlılığın artırılmasıdır.
Olimpiadada 15 və 30 yaş arasındakı gənclər fərdi və ya kollektiv şəkildə iştirak edə bilərlər. Yarışma ərəb, fransız və ingilis dillərində keçirilir.
Müraciətlər 2021-ci il iyulun 20-dək innorpi.communication@gmail.com və contact@innorpi.tn elektron poçt ünvanlarına göndərilməlidir.
Əlavə məlumatı aşağıdakı linkdə oxuya bilərsiniz:
