Qaynar xətt: 960
Aparatın rəhbəri

Natiq Əli oğlu İsayev

Azərbaycan Respublikasının Əqli Mülkiyyət Agentliyinin

Aparatının rəhbəri

Tel.:+99412 493-39-44, 493-66-87, 493-33-89 (dax. 107)

Faks: +99412 498-10-28

E-mail: nisayev@copat.gov.az


1957-ci il təvəllüdlüdür.

Azərbaycan Dövlət Pedaqoji Universitetini bitirib. Əmək fəaliyyətinə hərbi xidmətdən sonra başlamış,1978-1982-ci illərdə neft-qaz və inşaat sahəsində, 1982-1991-ci illərdə təhsil sistemində müxtəlif məsul vəzifələrdə işləmişdir.

1991-2007-ci illərdə Azərbaycan Respublikası Müəllif Hüquqları Agentliyində rəis müavini, sədr müavini vəzifələrində işləmişdir.

2007-2009-cu illərdə Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsində çalışmışdır.

Hazırki vəzifəyə təyin olunana qədər Azərbaycan Respublikası Müəllif Hüquqları Agentliyində Beynəlxalq əlaqələr və informasiya təminatı şöbəsinin müdiri, Aparatın rəhbəri vəzifələrində işləmişdir.

2018-ci ilin iyul ayından Azərbaycan Respublikasının Əqli Mülkiyyət Agentliyinin Aparatının rəhbəri vəzifəsində işləyir.

Dövlət qulluğunun baş müşaviridir.

Azərbaycan Respublikası Prezidentinin 22 iyun 2010-cu il tarixli 974 nömrəli Sərəncamı ilə uzun müddət dövlət qulluğunda səmərəli fəaliyyətinə görə “Dövlət qulluğunda fərqlənməyə görə” medalı ilə təltif edilmişdir.

1986-cı ildə Müəllimləri Təkmilləşdirmə İnstitutunun direktor müavinləri üçün ixtisasartırma kursunu, 2002-ci ildə Ümumdünya Ticarət İnstitutunun “Əqli mülkiyyət hüquqları” üzrə kursunu bitirib, Ümumdünya Əqli Mülkiyyət Təşkilatının təlim kurslarının iştirakçısı olub.

2012-ci ildə Ümumdünya Əqli Mülkiyyət Təşkilatının “Audiovizual ifalara dair Pekin Müqviləsi”ni qəbul etmiş Diplomatik konfransın Mandat Komissiyasının, 2013-cü ildə Ümumdünya Əqli Mülkiyyət Təşkilatının “Dərc olunmuş əsərlərin kor, görmə qüsurlu və ya çap məhsullarını oxumaqla bağlı başqa əlilliyi olan şəxslər üçün əlçatanlığını asanlaşdırmağa dair Mərakeş Müqaviləsi”ni qəbul etmiş Diplomatik konfransın Redaktə Komitəsinin üzvü seçilmişdir.

Azərbaycan Jurnalistlər Birliyinin üzvüdür. Əqli mülkiyyət məsələlərinə, ədəbi tənqidə və tarixə aid çoxsaylı məqalələrin, 1 kitabın müəllifi, bir sıra əsərlərin təcüməçisi, ali məktəblər üçün 1 tədris proqramının və 1 tədris vəsaitinin rəyçisidir. Bir sıra qanunvericilik aktlarının, o cümlədən əqli mülkiyyət sahəsi ilə bağlı 5 qanun layihəsini hazırlayan İşçi qrupun üzvü olmuşdur.

Ailəlidir, 2 övladı var.

startup5startup1startup2https://www.eapo.org/ru/Aggression of Armenia against AzerbaijanHerbi tecavuz
Search×