Əqli Mülkiyyət Agentliyinin tabeliyindəki Texnologiyaların Kommersiyalaşdırılması və Transferi Mərkəzi Agentliyin inzibati binasında “Əqli Mülkiyyət Aylığı” çərçivəsində “Texnologiyaların kommersiyalaşdırılmasına dəstək” mövzusunda ixtiraçılar üçün maarifləndirici seminar keçirib.

Seminarda Mərkəzin direktoru Əli Qasımzadə, startap və spinaut üzrə eksperti Murad Qaflanov, marketoloqu Lamiyə Qurbanova və humanitar məsələlər üzrə eksperti Tünzalə Quliyeva təqdimatla çıxış ediblər.

Seminar çərçivəsində ixtiraçılar kommersiyalaşdırmanın faydaları, kommersiyalaşdırma mərhələləri, marketinq strategiyaları və satış kanalları, habelə prosesin hüquqi, bazar və maliyyə aspektləri kimi mövzularda məlumatlandırılıblar.

Seminar müvafiq mövzularda sualların cavablandırılması ilə davam edib.