Faşizm üzərində Qələbədən 78 il ötür. Müharibə dövründə istər ön, istərsə də arxa cəbhədə döyüş və əmək rəşadətləri göstərən, adını tarixə qızıl hərflərlə yazdıran, ideoloji-mənəvi, hərbi vətənpərvərlik tərbiyəsində gənclərə nümunə olan Azərbaycan oğul və qızları misilsiz qəhrəmanlıqlar göstərmişlər.

Müharibə illərində və qələbənin qazanılmasında Bakı neftinin rolu danılmaz bir həqiqətdir. Müharibə 50 milyona yaxın insanın həyatına son qoymuş, milyonlarla insan yaralanmış və itkin düşmüşdür. Azərbaycanın 600 mindən çox oğul və qızları amansız döyüşlərdə göstərdikləri şücaətləri ilə dillər əzbəri olmuşdur.

9 May faşizm üzərində Qələbə günü ölkəmizdə hər il təntənə ilə qeyd olunur.