Əqli Mülkiyyət Agentliyinin əməkdaşları beynəlxalq sertifikatlara layiq görülüblər
![Əqli Mülkiyyət Agentliyinin əməkdaşları beynəlxalq sertifikatlara layiq görülüblər](http://files.copat.gov.az/source/1/Pmc9gp8Fu3EgcjPE-cvjGU9sPuva8zNs.jpeg)
Azərbaycan Respublikasının Əqli Mülkiyyət Agentliyində əməkdaşların peşə biliklərinin təkmilləşdirilməsi məsələsinə daim diqqət yetirilir. Hər il olduğu kimi, 2021-ci ildə də Agentliyin əməkdaşları Ümumdünya Əqli Mülkiyyət Təşkilatının (ÜƏMT) Akademiyasının keçirdiyi distant təlim kurslarında iştirak edirlər.
Bu yaxınlarda Agentliyin tabeliyində olan Əqli Mülkiyyət Hüquqlarının Təminatı Mərkəzinin direktor müavini Rövşən Nəsirov və Mərkəzin əməkdaşları Nigar Chima, Kamilə Ağasiyeva və Orxan Rəhimov “Patent informasiyasından istifadə” mövzusunda kursu müvəffəqiyyətlə başa vuraraq ÜƏMT-nın sertifikatlarına layiq görülüblər.