27 sentyabr Zəfərlə nəticələnən 44 günlük Vətən müharibəmizin başlanma tarixidir.

Azərbaycan Respublikasının Prezidenti İlham Əliyevin 2020-ci il 2 dekabr tarixli Sərəncamına əsasən hər il sentyabrın 27-si Azərbaycan Respublikasında Anım Günü kimi qeyd edilir.

Anım Günü ərazi bütövlüyümüzün bərpa edilməsinə, suverenliyin tam bərqərar olunmasına və torpaqlarımıza əsl sahiblərinin əbədi qaytarılmasına yol açan tarixi gündür.

Bu gün Ali Baş Komandanın rəhbərliyi ilə müzəffər Azərbaycan ordusununun şücayəti, xalq və dövlətin birliyi nəticəsində əldə olunmuş zəfər və qəhrəmanlıq salnaməsinin başlanğıc tarixidir.

2024-cü il 27 sentyabr tarixində Anım Günü ilə əlaqədar Azərbaycan Respublikasının Əqli Mülkiyyət Agentliyinin rəhbərliyi və kollektivi Zəfər parkını ziyarət ediblər və Vətənimizin ərazi bütövlüyü uğrunda şəhid olmuş qəhrəman oğulların xatirəsini ehtiramla yad ediblər.

Şəhidlik zirvəsinə ucalmış qəhrəman igidlərimizin əziz xatirəsi xalqımızın qəlbində əbədi yaşayacaq!

Şəhidlər Ölməz!

Vətən Var Olsun!

Qəhrəmanlar unudulmur!

Sənə can qurban, Azərbaycan!

Şəhidlərimizi ehtiramla anırıq!

#QarabağAzərbaycandır

#KarabakhisAzerbaijan

#AnımGünü

#27Sentyabr2020

#27SentyabrAnımGünü