Bu gün Xocalı soyqırımının 32-ci ildönümüdür. Xocalı faciəsi ermənilər tərəfindən xalqımıza qarşı törədilmiş ən qanlı cinayətlərdən biridir.

1992-ci il fevralın 25-dən 26-na keçən gecə Ermənistan silahlı qüvvələri Xocalıda xalqımıza qarşı soyqırımı həyata keçirib.

Bu dəhşətli faciənin ildönümü ilə əlaqədar 2024-cü il 26 fevral tarixində Azərbaycan Respublikasının Əqli Mülkiyyət Agentliyinin rəhbərliyi və kollektivi "Ana harayı" abidəsini ziyarət edib. Abidənin önünə güllər düzülüb, faciə qurbanlarının xatirəsi ehtiramla yad edilib.

Faciə qurbanlarının xatirəsini heç vaxt unutmayacağıq.