Avrasiya Patent Təşkilatının (APT) Avrasiya Patent İdarəsi (APİ) 2022-ci il 1 iyul tarixindən Patent Əməkdaşlığı Müqaviləsi (PCT) çərçivəsində Beynəlxalq Axtarış Orqanı (BAO) və Beynəlxalq İlkin Ekspertiza Orqanı (BİEO) kimi fəaliyyət göstərməyə başlayacaq.

APİ-nin BAO və BİEO kimi təyin edilməsi barədə qərar PCT İttifaqının Assambleyasının 2021-ci ilin oktyabrında baş tutan 53-cü sessiyasında qəbul edilib.

Beynəlxalq axtarış və beynəlxalq ilkin ekspertiza və APİ tərəfindən BAO və BİEO funksiyalarının yerinə yetirilməsi ilə əlaqədar həyata keçirilən digər tədbirlər üçün ödənilən rüsumların məbləğləri APT-nın internet portalında yerləşdirilib.